Kombjuder-Eischald-Zeddel fer Auswerdische bei de EITITI
Kabiddel 1 : Saft druff
Am Kasde unnnerm Scherm de reschde Knobb neidrigge bisser eirast.
Ufbasse:
Es huubt. Huubts net: Gibt's net; noch net bassiert!
Knobb muss drinebleiwe!!!!!
Des Bernsche - wo lings newer dem Knobb wo mer neidrigge muss leit - iss
die Bern wo brenne muss, damit mer waas, dass des Ding Saft hot! (Wenn die
Bern net brennt, hot des Ding kaan Saft!)
Dann: Net lang maule, erst gugge ob die - die hinne aus dem Ding wo der
Knobb draaa is, den mer neidrigge muss - in dere Dohs drinsteggd, die
mit dem Ibberlandwerg zusammehängt! Iss die Schnur draaa, dann aaner ruwe,
der die Bern zum brenne bringt!
Kabiddel 2 : Umschald-Knobb drigge
Der Knobb - der wo uff dem annnern Ding is, wo all die annern Knebb aach
druff sinn - der wo zwaa Pfeilscher owwe druff hot unn wo die grie Bern
unnedrunner iss, runnerdrigge. (Nur aamohl!) Brennt die grien Bern,
isses gut! Brennt se net, aach!
Kabiddel 3: Aamelde
Eigebbe von dene Knebb - die wo uff dem annern Ding druff sinn, do wo
aach der Knobb mit dene zwaa Pfeilscher unn dere grie Bern druff iss - die
Kneebb drigge, die mer drigge muss, wemmer sisch aamelde will!
Des haasd:
Mer muss die Knebb drigge, wie mer haasd! Drigge mer die falsche Knebb,
haasd mer net so! Des haasd: Mer muss unbedingt die rischdische Knebb
drigge!
Kabiddel 4: Aagemeld
Wemmer drinn sinn, SCHAFFE!!!!
Kabiddel 5: Abschalde
Uff de Scherm gugge, awwer konsegwend unn wadde bisses gracht oddä die
Uhr schelld!
DANN : Zusammepacke unn nix wie haam!
Gruß
Christian
